پاکستان سپر لیگ (پی ایس ایل) 8 کے پلے آف میچز کھیلنے کےلیے ملتان سلطانز، پشاور زلمی اور اسلام آباد یونائیٹڈ کی ٹیمیں اسلام آباد سے لاہور پہنچ گئیں۔
پی ایس ایل ایٹ کے ٹیبل پر دفاعی چیمپئن لاہور قلندرز نے 14 پوائنٹس کے ساتھ ٹاپ کیا۔ قلندرز کی ٹیم نے راؤنڈ کا آخری میچ لاہور میں ہی کھیلا تھا اس لیے وہ میزبان شہر میں پہلے سے ہی موجود ہے۔
لیگ کے کوالیفائر میں 15 مارچ کو لاہور قلندرز اور ملتان سلطانز کے درمیان مقابلہ ہوگا۔
16 مارچ کو پہلے ایلیمنیٹر میں پشاور زلمی اور اسلام آباد یونائیٹڈ کی ٹیمیں آمنے سامنے ہوں گی۔
17 مارچ کو کوالیفائر میں ہارنے والی اور پہلا ایلیمنیٹر جیتنے والی ٹیمیں مد مقابل ہوں گی۔ اس میچ کی فاتح 19 مارچ کے فائنل کےلیے کوالیفائی کرے گی۔
